काठमाडौं- नेकपा एमालेकी सांसद ईश्वरी घर्तीले ‘सगरमाथा संवाद’ जलवायु परिवर्तनको पक्षमा रहेको बताएकी छन् ।

बिहीबार प्रतिनिधिसभाको बैठकमा बोल्दै सांसद घर्तीले सगरमाथा संवाद जलवायु न्यायको पक्षमा रहेको बताएकी हुन् ।

उनले संवाद जलवायु परिवर्तनको विषय उठाउने उपयुक्त विश्व मञ्चका रुपमा रहेको बताइन् । उनले शुक्रबारदेखि हुने ‘सगरमाथा संवाद’ लाई शुभकामना पनि दिएकी छन् ।

घर्तीले नेपाल जलवायु संकटको चरममा रहेको र मौसमी घटनाका कारण विपत्तका जोखिमले देशलाई ठूलो क्षति गरिरहेको पनि बताइन् ।

उनले राष्ट्रिय तथ्याङ्क कार्यालयको दोस्रो पारिवारिक संरक्षण अनुसार जलवायु विपत्तिबाट नेपालले वार्षिक ८३ अर्बको क्षति बेहोरिरहेको बताइन् ।

उनले विगत पाँच वर्षमा जलवायु विपद्बाट सहरी क्षेत्रमा दुई खर्ब १८ अर्ब ८२ करोड र ग्रामीण क्षेत्रमा १ खर्ब १६ अर्ब ६२ करोड क्षति भएको बताइन् ।

सांसद घर्तीले देशमा भएका सगरमाथासहितका हिमचुचुरा जलवायु परिवर्तनकै कारण काला चट्टानमा परिवर्तन भएकाले गम्भीर हुनुपर्ने बताएकी छन्।