काठमाडौं– मंगलबार शेयर बजारमा हरियाली छाएको छ । शेयर बजार २७०० बिन्दु पुगेर फेरि फर्किएको छ ।

नेपाल स्टक एक्सचेञ्ज (नेप्से) २७.१४ अंकले बढेर २६८.२२ बिन्दुमा पुगेको छ । नेप्से १.०१ प्रतिशतले बढ्दा करोबार रकम पनि बढेको छ । मंगलबार दिनभरमा ८ अर्ब ५४ करोड ४३ लाख ५७ हजार रुपैयाँ बराबरको २ करोड १८ लाख ४१ हजार ४७ कित्ता शेयर कारोबार भएको छ ।

मंगलबार २२१ वटा कम्पनीको शेयर मूल्य बढेको छ भने २४ वटा कम्पनीको शेयर मूल्य घटेको छ । आज कुनै पनि कम्पनीको शेयर मूल्य भने स्थिर रहेको छैन ।

मंगलबार ३२० कम्पनी कारोबारमा आउँदा ६९ हजार ३६४ पकट शेयर किनबेच भएको छ । १३ वटा समूह मध्ये ११ वटा समूह बढेको छ भने दुई समूह घटेको छ । मंगलबार म्युचुअल फण्ड समूह ०.०७ प्रतिशतले र ट्रेडिङ समूह ०.६४ प्रतिशतले घटेको छ ।सबैभन्दा बढी लगानी समूह २.७१ अंकले बढेको छ भने सबैभन्दा कम वाणिज्य बैंक समूह ०.४८ प्रतिशतले बढेको छ ।