काठमाडौं– सिन्धुलीको सिन्धुली अस्पतालमा तीन दिने बृहत् निः शुल्क स्वास्थ्य शिविर सुरु भएको छ ।  

नेपाल रेडक्रस सोसाइटी सिन्धुलीको आयोजना र सिन्धुली अस्पतालका साथै हेल्पिङ ह्यान्डस् हेल्थ एण्ड एजुकेशन अमेरिकाको प्राविधिक सहयोगमा शिविर सञ्चालन गरिएको हो । 

शिविरमा स्त्री रोग विशेषज्ञ सेवा, निःशुल्क भिडियो एक्स-रे, जनरल मेडिसिन सेवा, निःशुल्क ल्याबसम्बन्धी सेवा, आँखा जाँच तथा निःशुल्क चस्मा वितरण, दन्त रोग लगायतका सेवा प्रदान गरिरहेको आयोजकले जनाएको छ । 

हेल्पिङ ह्यान्डस् हेल्थ एण्ड एजुकेशनका संस्थापक अध्यक्ष एवं वरिष्ठ समाजसेवी नारायण श्रेष्ठले तीन दिनसम्म अस्पताल परिसरमा निः शुल्क रूपमा स्वास्थ्य जाँच तथा उपचारको व्यवस्था मिलाइएको जानकारी दिए ।
 
सिन्धुली अस्पतालमा तीन दिने निः शुल्क स्वास्थ्य शिविर सम्पन्न भएपछि अन्य ग्रामीण क्षेत्रमा पनि निरन्तर निः शुल्क स्वास्थ्य शिविर आयोजना गरिने श्रेष्ठले बताए ।