धनगढी–  कैलालीको धनगढीमा जारी  राष्ट्रिय युवा सङ्घ कप भलिबल प्रतियोगिताको उपाधि भिडन्त आज हुँदैछ ।

उपाधिका लागि मालिक र राष्ट्रिय युवा सङ्घ डोटीबीच प्रतिस्पर्धा हुनेछ । खेल दिउँसो ३ बजे सुरु हुनेछ ।

सोमबार भएको सेमिफाइनलमा शाह पोल्ट्री फर्म र राना थारू आदर्श युवा क्लब भने प्रतियोगिताबाट बाहिरिएका थिए ।

राष्ट्रिय युवा सङ्घ नेपाल सुदूरपश्चिम प्रदेश कमिटीले चैत २९ गतेदेखि आयोजना गरेको खुला पुरुष भलिबल प्रतियोगिताको विजेताले दुई लाख २५ हजार रुपैयाँ प्राप्त गर्नेछ भने उपविजेताले एक लाख २५ हजार रुपैयाँ पाउने छ । यस्तै, प्रतियोगितामा तेस्रो हुने टोलीलाई  ७५ हजार नगद पुरस्कार, ट्रफी, मेडल र प्रमाण पत्र प्रदान गरिने युवा सङ्घले जनाएको छ ।

नेकपा एमालेका महासचिव शङ्कर पोख्रेलले उद्‌घाटन गरेको भलिबल प्रतियोगिताको आज उद्योग वाणिज्य तथा आपूर्तिमन्त्री दामोदर भण्डारीले समापन गर्ने छन् ।