पोखरा– पोखरा पर्यटन वर्ष घोषणा समारोहमा बेलुन पड्किँदा उपप्रधान तथा अर्थमन्त्रीमन्त्री विष्णुप्रसाद पौडेल र पोखराका मेयर धनराज आचार्य घाइते भएका छन् । 

प्रमुख अतिथि उपप्रधानमन्त्री पौडेलले स्विच थिचेर बत्ती बालेपछि बेलुन उडाउने क्रममा बिजुलीको बत्तीको झिल्काले बेलुन पड्किएपछि दुवै जनालाई सामान्य चोट लागेको प्रत्यक्षदर्शीले बताएका छन् । 

धेरै वटा बेलुन बत्तीको झिल्का नजिकै राख्दा तातोका कारण बेलुन पड्केका हुन् । मन्त्री पौडेलको कोट सल्किएको छ भने मेयरको गालामा आगोको झिल्काले छोएको छ । उनीलाई तत्कालै अस्पताल लगिएको छ ।

महानगरप्रमुख आचार्यलाई उपचारका लागि फिस्टेल हस्पिटल लगिएको उनका प्रेस संयोजक भीम थापाले जानकारी दिए।

उपपप्रधान तथा अर्थमन्त्री पौडेलको पनि उपचारका लागि गण्डकी मेडिकल कलेज शिक्षण अस्पताल लगिएको र उनलाई सामान्य चोट लागेको नेकपा (एमाले) कास्कीका अध्यक्ष बैनबहादुर अधिकारी क्षेत्रीले जानकारी दिए।