काठमाडौं- नेपाली कांग्रेसका नेता डा. शेखर कोइरालाले नेपालको शान्ति प्रक्रियामा महत्त्वपूर्ण भूमिका खेलेका अनमिनका तत्कालीन नेपाल प्रमुख इयान मार्टिनसँग भेटवार्ता गरेका छन् ।

बेलायत भ्रमणमा रहेका कोइरालाले २०६२/६३ को राजनीतिक परिवर्तनपछि नेपालको शान्ति प्रक्रियामा महत्त्वपूर्ण भमिका खेलेको अनमिनका नेपाल प्रमुख मार्टिनसँग लण्डनमा भेटघाट गरेका हुन् ।

भेटघाटका क्रममा मार्टिनले अहिले पनि नेपालको शान्ति प्रक्रिया अझै नटुङ्गिएकोले जतिसक्दो छिटो टुङ्गयाउन सुझाव दिएका छन् ।

कोइरालासँगको भेटमा उनले यस्ता कुरालाई लामो समयसम्म राख्न नहुने सुझाएका थिए ।

तत्कालीन समयमा विपद्रोहीका रुपमा रहेको दल नेकपा माओवादी केन्द्रसमेत निर्वाचन प्रक्रियामा प्रवेश गरिसकेको छ । यो अवस्थामा नेपालमा कुनै पनि हिंसा नरहेकोले संक्रमणकालीन न्यायलाई टुङ्गयाउनु पर्ने उनले जोड दिएका छन् ।