काठमाडौं– प्रधानमन्त्री केपी शर्मा ओलीले काठमाडौँको सुकेधारास्थित अन्तर्राष्ट्रियस्तर ब्राण्डको मर्क्योर होटेलको आज उद्घाटन गरेका छन् । 

होटेल व्यवसायका क्षेत्रमा विश्वव्यापी सञ्जाल बनाएको अक्योर कम्पनीको मातहतमा नेपालमा पहिलो पटक मर्क्योर होटेल सञ्चालामा आएको हो ।

कार्यक्रममा प्रधानमन्त्री ओलीले फ्रान्सेली पर्यटन नेपाल भ्रमण गराउन यस होटेलले योगदान दिने विश्वास व्यक्त गरे । उनले होटेल व्यवसायकामा नयाँ टेस्ट दिँदै यस व्यवसायलाई प्रोत्साहन दिने अपेक्षा गर्दै यस क्षेत्रको विकास र प्रवर्द्धनका लागि सरकारका तर्फबाट गर्नुपर्ने सहजीकरण गर्ने जनाए । 

तीन अर्ब रुपैयाँभन्दा बढी लगानीमा निर्माण भएको पाँचतारे मर्क्योर होटल आजदेखि सञ्चालनमा आएको छ । काठमाडौंको सुकेधारामा पाँच रोपनी क्षेत्रफलमा फैलिएको १०४ कोठाको होटल मर्क्युरमा ११ तला रहेको छ । 

हेर्नुहोस् शुभारम्भका तस्बिरहरू :