काठमाडौं – चलचित्र ‘झरीपछिको इन्द्रेणी’को गीत ‘आम नेपाली बुबा’ सार्वजनिक गरिएको छ। उक्त गीत आइतबार राति काठमाडौँ महानगरपालिकाका प्रमुख बालेन शाहको आधिकारिक युट्युब च्यानलमार्फत दर्शकमाझ ल्याइएको हो।
गीतमा बालेन शाहको र्याप तथा संगीत संयोजन सुन्न सकिन्छ भने भिडियोमा गणेश उप्रेती, कमलमणी नेपाल लगायतका कलाकारहरूको अभिनय छ।
गायनमा दीक्षा उप्रेतीको स्वर रहेको छ। अर्जुन घिमिरे ‘पाँडे’को निर्देशनमा बनेको चलचित्र ‘झरीपछिको इन्द्रेणी’ आगामी पुस ४ गतेदेखि देशभर प्रदर्शनमा आउने तयारीमा छ। नागराज इन्टरटेन्मेन्टको ब्यानरमा निर्माण गरिएको यस चलचित्रप्रति दर्शकको चासो बढ्दो देखिन्छ।
प्रतिक्रिया