काठमाडौं– नेकपा एमालेका अध्यक्ष केपी शर्मा ओली आफूलाई चुनौती दिनेहरूलाई तह लगाउने गरी अघि बढेका छन् ।

वरिष्ठ उपाध्यक्ष ईश्वर पोखरेल समूहलाई उद्घाटन सत्रको मञ्चमा निषेध गरेका उनले आइतबार सुरू भएको बन्द सत्रमा पनि अनौठो निर्णय लिए ।

यसअघिका महाधिवेशनमा बन्दसत्र सञ्चालनका लागि अध्यक्षमण्डल बनाउने परम्परा थियो । तर यस पटक ओलीले अध्यक्षमण्डल नै गठन गरेनन् ।

उनले केही बेरअघि सुरू भएको बन्द सत्रलाई सम्बोधन गरे । तर उनले त्यहाँ अध्यक्षमण्डल बनाउन कुनै चासो दिएनन्।

उनी एक्लैले अहिले बन्दसत्रको हलमा छलफल अघि बढाएका छन् । अध्यक्षमण्डल बनाउँदा वरिष्ठ उपाध्यक्ष ईश्वर पोखरेल पक्षलाई पनि समेट्नुपर्ने हुन्थ्यो । त्यसलाई छल्न उनी एक्लैले अहिले बन्दसत्र चलाइरहेका छन् ।

तस्बिरहरू : नेपाल फोटो लाइब्रेरी