काठमाडौं – पार्टीको ११ औं महाधिवेशनको बन्दसत्र रोकेर एमाले अध्यक्ष केपी शर्मा ओलीले केन्द्रीय कमिटी बैठक बोलाएका छन् ।

आफ्नो टिम व्यवस्थापनमा समस्या भएपछि अध्यक्ष ओलीले बन्दसत्र रोकेर केन्द्रीय समिति बैठक बोलाएका हुन् ।

बन्दसत्र अगाडि ओलीले केन्द्रीय कमिटी बैठकमा ४ पदाधिकारी र केन्द्रीय कमिटी सदस्य थप्ने प्रस्ताव लाँदैछन् ।

प्रस्तावअनुसार चितवनमा भएको दसौं महाधिवेशनमा जस्तो पदाधिकारी १९ हुनेछन् ।

ओलीले दुई उपाध्यक्ष र दुई सचिव थप्ने प्रस्ताव गर्ने सम्भावना छ। उता २५१ सदस्यीय केन्द्रीय कमिटीलाई ३०१ सदस्यीय बनाउने गरेर केन्द्रीय कमिटीमा प्रस्ताव लान लागेका हुन् ।

केन्द्रीय कमिटीमा ओलीको बहुमत भएकोले यो प्रस्ताव पारित हुनसक्छ । यसअघि शुक्रबारको सचिवालय बैठकमा ओलीको प्रस्ताव फेल भएको थियो ।