काठमाडौं– प्रधानमन्त्री सुशीला कार्कीले मतदाता नामावली दर्तामा देखिएको उत्साह र चापलाई ध्यानमा राखी म्याद थपका लागि आग्रह गरेको छिन् । 

प्रधानमन्त्रीका प्रेस संयोजक राम रावलका अनुसार कार्कीले कार्यवाहक प्रमुख निर्वाचन आयुक्त रामप्रसाद भण्डारीसँग शुक्रबार टेलिफोन संवादमार्फत म्याद थपका लागि आग्रह गरेकी हुन् । 

यसबारे आयोग सकारात्मक रहेको र ५ दिन म्याद थप्न सकिने जानकारी भण्डारीले प्रधानमन्त्रीलाई दिएको रावलले बताएका छन् । 

‘राष्ट्रिय परिचय पत्रको विवरणका आधारमा मतदाता नामावलीमा नाम दर्ता गराउन मिल्ने भएपछि हिजोबाट अनलाइनबाट नाम दर्ता गराउनेको उच्च चाप बढेको छ यस्तो अवस्थामा म्याद थप गर्न जरुरी देखिएको प्रधानमन्त्रीले टेलिफोन संवादमार्फत आग्रह गर्नुभयो त्यसमा आयोग सकारात्मक छ सम्भवतः म्याद थप हुन्छ,’ रावलले जनाए ।

यसैबीच प्रधानमन्त्री कार्कीले इन्टरनेट सर्भरमा देखिएको समस्याका विषयमा पनि चासो व्यक्त गरिन् । त्यो विषय पनि समाधान गर्दै अघि बढिरहेको भण्डारीले जानकारी दिएको रावलले भने ।