काठमाडौं– मोडेल इन्स्टिच्युट अफ टेक्नोलोजी (एम्आइटी) ले मतदाता परिचयपत्र दर्ता अभियान सुरु गरेको छ । 

निर्वाचन आयोगको दर्ता प्रक्रियालाई सहज बनाउँदै युवालाई चुनावी प्रक्रियामा सहभागी गराउन एम्आइटीले यो सेवा सुरु गरेको हो । 

यसले राष्ट्रिय मतदाता परिचयपत्रका लागि दर्ता नगरेका विद्यार्थी तथा कर्मचारीलाई टेवा पुग्नेछ । दर्ताका लागि सहभागीले आफ्नो नागरिकताको फोटोकपी र फोटो ल्याउनुपर्नेछ ।
  
प्रशासनका अनुसार, क्याम्पसमै दर्ता उपलब्ध गराउँदा विद्यार्थीलाई छुट्टी समय मिलाउनुपर्ने, लाइन बस्नुपर्ने जस्ता झन्झटबाट मुक्त हुनेछन् । 

निर्वाचन आयोग नेपालद्वारा सञ्चालन हुने यो दर्ता अभियानमा क्याम्पसले आवश्यक प्राविधिक तथा व्यवस्थापन सहयोग उपलब्ध गराएको छ ।