काठमाडौँ- राष्ट्रपति रामचन्द्र पौडेलले लर्न एण्ड अर्न कार्यक्रममा सहभागी हुन इजरायल गएका नेपाली विद्यार्थी विपिन जोशीको निधनको खबरले मर्माहत भएको बताएका छन् ।

उनले प्यालेस्टिनी समूह हमासको कब्जामा रहेका जोशीको रिहाईको लागि आफूलेसमेत पटकपटक अथक प्रयास गरेको स्मरण गरेका छन् ।

तर अकस्मात जोशीको निधन भएको भन्ने खबरले आफू स्तब्ध भएको बताएका छन् ।

उनले जोशीप्रति हार्दिक श्रद्धाञ्जली प्रकट गर्दै दुःखको यस घडीमा शोकाकुल परिवारजन र सबै शुभेच्छुकप्रति हार्दिक समवेदना प्रकट गरेका छन् ।

इजरायल पुगेका नेपाली विद्यार्थी विपिन जोशीको निधनको खबरले म अत्यन्त मर्माहत भएको छु । हमासको कब्जामा रहेका जोशीको रिहाईका लागि अथक प्रयास गरेको तर अकस्मात जोशीको निधनको खबरले स्तब्ध भएको छु । जोशीप्रति हार्दिक श्रद्धाञ्जली । शोकाकुल परिवारजन र शुभेच्छुकप्रति हार्दिक समवेदना ।

— President of Nepal (@OOP_Nepal) October 14, 2025