गाजा- युद्धविराम सुरू भएको साता बित्न लाग्दा पनि गाजा क्षेत्रमा इजरायली आक्रमण रोकिएको छैन ।

गाजाको खान युनिस क्षेत्रमा मंगलबार इजरायली ड्रोन आक्रमण भएको खबर प्राप्त भएको छ।

दक्षिण गाजाका चिकित्सक स्रोतहरूले अल जजिरालाई बताएअनुसार खान युनिसमा इजरायली ड्रोन आक्रमण भएको हो ।

जसमा कम्तीमा पनि ९ जनाको हताहती भएको खबर आएको छ।

यसैबीच इजरायलबाट ४५ जना प्यालेस्टिनी कैदीको शव फिर्ता गरिएको छ ।

चिकित्सक स्रोतहरूले अल जजिरालाई बताएअनुसार रेडक्रसले इजरायलबाट ४५ जना प्यालेस्टिनी कैदीका शव प्राप्त गरेको छ।

शवहरूको मृत्युको कारण पत्ता लगाउन परीक्षण भइरहेको छ। संयुक्त राज्य अमेरिका, इजिप्ट, टर्की र कतारको मध्यस्थतामा भएको युद्धविराम सम्झौताअन्तर्गत करिब २ हजार जना जीवित कैदीहरू सोमबार इजरायलका जेलहरूबाट रिहा भएका छन्।