काठमाडौँ– नेपाली कांग्रेसका नेता मोहन बहादुर बस्नेतले नियमित महाधिवेशनका लागि महामन्त्रीद्वय गगन थापा र विश्वप्रकाश शर्माले क्रियाशील सदस्यता विवाद नटुङ्ग्याएको बताएका छन् ।

पार्टी केन्द्रीय कार्यसमिति बैठकमा सहभागी हुन सानेपा पुगेका बस्नेतले महामन्त्रीद्वय थापा र शर्माले क्रियाशील सदस्यता विवाद नटुङ्ग्याएको आरोप लगाएका हुन् ।

उनले जिल्ला–जिल्लाको विावद कायमै राखेको बताउँदै आफू जम्प गर्नका लागि विशेष महाधिवेशन भन्दै दुवैजना हिँडेको जिकिर गरेका छन् ।

‘नियमित महाधिवेशन गर्न क्रियाशील सदस्यता प्रक्रिया नटुङ्ग्याउने, जिल्लाको विवाद यथावत राख्ने । अनि त्यहाँबाट जम्प गरेर विशेष महाधिवेशन हुन्छ ?’ उनले सोधे ।

विशेष महाधिवेशन गर्दा युवा पुस्ताले भाग लिन नपाउने बताउँदै उनले आफ्नो अकर्मन्यतालाई ढाकछो गरेर नेृतत्वका लागि जम्प गर्ने प्रवृत्ति बढ्ने खतरा रहेको पनि बताए ।