काठमाडौं– नेपाल राष्ट्र बैंकले चाँदीको मेडालियन (सिक्का) गरिरहेको छ ।

केन्द्रीय बैंकले चार प्रकारका सिक्का बिक्री गरिरहेको छ । सबै सिक्का १० ग्रामका रहेका छन् भने मूल्य ३ हजार रुपैयाँ तोकिएको छ । एक जनाले एउटा मात्र सिक्का किन्न पाइनेछ ।

सुनको असर्फी भने यस वर्ष बिक्रिबितरण नगरिने महाशाखाले जानकारी दिएको छ ।

बैंकले धन्तेरसलाई लक्षित गर्दै हरेक वर्ष सुन र चाँदीका सिक्का बिक्री वितरण गर्दै आएको थियो । तर केन्द्रीय बैंकको सञ्चालक समितिले सुनको असर्फी छाप्ने विषयका कुनै निर्णय नगरेपछि चाँदीको सिक्का मात्रै बिक्री वितरण गरिएको महाशाखाले जनाएको छ ।

चाँदीको सिक्का बिक्री शुरु भएसँगै सर्वसाधारणहरू लक्ष्मी, गणेश, गजलक्ष्मी र गाई अङ्कित सिक्का खरिद गर्न महाशाखा पुगेका छन् ।  

सिक्का किन्नको लागि नागरिकताको फोटोकपी वा नागरिकता नम्बर उल्लेख भएको कुनै पनि अन्य परिचयपत्र आवश्यक पर्नेछ । 

तस्बिरहरु: नेपाल फोटो लाइब्रेरी