काठमाडौं– नेपाली कांग्रेसको केन्द्रीय कार्यसम्पादन समितिको बैठक आज बस्दैछ । बैठक बिहान ११ बजे पार्टी केन्द्रीय कार्यालय सानेपामा बस्नेछ ।
केन्द्रीय समिति बैठकमा पेस गर्ने एजेण्डामा सहमति जुटाउन बैठक बस्न लागेको हो । यसअघि एजेण्डामा सहमतिका लागि हिजो दिउँसो ३ बजेका लागि बोलाइएको बैठक स्थगित गरिएको थियो ।
बुधबार र बिहीबार शीर्ष नेताहरूको बैठकयता लगातार बसिरहेको कार्यसम्पादन समितिको बैठकमा केन्द्रीय समिति बैठकका एजेण्डाबारे छलफल भए पनि अन्तिम टुङ्गो लाग्न सकेको छैन ।
पार्टीको १५औँ महाधिवेशन आगामी मंसिरभित्रै हुनुपर्ने र हुन नसक्ने फरक धारणाका कारण नेताहरूवीच सहमति जुट्न सकेको छैन ।
प्रतिक्रिया