काठमाडौं– राष्ट्रिय स्वतन्त्र पार्टीकी सांसद तोसिमा कार्कीले पार्टी छोड्न लागेको समाचारबारे प्रतिक्रिया दिएकी छिन् ।

सामाजिक सञ्जालमा भिडियो पोस्ट गर्दै कर्कीले आफूले पार्टी छोड्न लागेको समाचार लेख्नुको साटो देशलाई केही गर्नका लागि सोच्नु आवश्यक रहेको बताइन् ।

उनले सामाजिक सञ्जाल फेसबुकमा भिडियो पोस्ट गरेर भनेकी छन, ‘नमस्कार सबैमा । तोसिमा कार्कीले पार्टी छोड्यो भन्ने समाचार लेख्न भ्याइसक्नुभएछ । अरे यार, मेरो बारेमा लेख्नुअघि कम्तिमा मलाई त सोध्नुहोस् । तोसिमाले के गर्छ या गर्दैन भन्ने चिन्ता लिनुको साटो आफू चाहिँ यो देशका लागि के गर्न सक्छु भनेर सोच्नुस् न ! देशलाई शून्यबाट उठाउनु छ । यस्तो बेला कृपया सञ्चार माध्यमले पनि मानिसलाई अलमल्याउने काम नगर्दिनुहोला । धन्यवाद ।’

उनले आफू पार्टी छोड्न लागेको विषयमा भने स्पष्टीकरण दिन चाहिनन् । उनले पार्टी छोड्न लागेको हो या होइन भन्ने विषयमा भने बोलेकि छैनन् ।