काठमाडौं– सानिमा लार्ज क्याप फण्डले आर्थिक वर्ष २०८१/८२ को नाफाबाट इकाई धनीलाई लाभांश दिने भएको छ । 

सानिमा लार्ज क्याप फण्डको योजना व्यवस्थापकको सञ्चालक समितिले साउन २८ गते साँझ ५ बजे बसेको सञ्चालक समितिको बैठकले नेपाल धितोपत्र बोर्डले ८१ साल भदौ २१ गते पत्र पठाउँदै रोक्का गरेको नगद प्रतिफल सहित लाभांश दिने भएको छ । 

फण्डले २५ करोड २६ लाख ३१ हजार ५७८ रुपैयाँ बराबरको २१.०५ प्रतिशत लाभांश दिने भएको छ । 

प्रतिफल वितरण प्रयोजनका लागि भदौ ६ गते एक दिनका लागि बुक क्लोजको मिति तय गरेको छ । भदौ ५ गतेसम्म कायम हरेका इकाई धनीले मात्र कम्पनीले प्रस्ताव गरेको उक्त बोनस पाउनेछन् । 

उक्त फण्ड सानिमा म्युचुअल फण्ड अन्तरगत सञ्चालन रहेको छ । फण्डमा सानिमा बैंक लिमिटेड कोष प्रवर्द्धक तथा सानिमा क्यापिटल लिमिटेड योजना व्यवस्थापक डिपोजिटरी रहेको छ ।