काठमाडौं– दरमखोला हाइड्रो इनर्जी लिमिटेडले सर्वसाधारणका लागि जारी गरेको साधारण शेयर (आईपीओ) बिहीबार बाँडफाँड भएको छ ।

आईपीओमा २३ लाख ७२ हजार ९२६ जनाले २ करोड ८२ लाख ५२ हजार १५० कित्ताका लागि आवेदन दिएका दिए । आवेदन दिएकामध्ये २१ लाख ३० हजार भन्दा बढीले शेयर पाएका छैनन् ।

कम्पनीले २ लाख ४२ हजार ३१८ जनाले १०/१० कित्ताका दरले आईपीओ हात पर्ने छन् । ५ जनाले भने थप १ कित्ता गरी ११ कित्ता शेयर पाउने छन् ।

कम्पनीले नेपाल धितोपत्र बोर्डबाट प्रतिकित्ता १०० रुपैयाँको दरले जम्मा ३९ लाख ५० हजार कित्ता आईपीओ निष्कासनको अनुमति पाएको थियो ।

कम्पनीले यसअघि आयोजना प्रभावितलाई १० लाख ३० हजार ५०० कित्ता र वैदेशिक रोजगारीमा रहेका नेपालीलाई २ लाख ९१ हजार १५० कित्ता आईपीओ बिक्री गरि बाँडफाँड गरिसकेको छ ।

बाँकी शेयरमध्ये १ लाख ४५ हजार ९७५ कित्ता आईपीओ सामूहिक लगानी कोषलाई र ५८ हजार ३९० कित्ता शेयर कर्मचारीलाई र बाँकी २४ लाख २३ हजार १८५ कित्ता शेयर सर्वसाधारणलाई निष्काशन गरेको थियो ।