काठमाडौं– नेकपा माओवादी केन्द्रका नेता देवेन्द्र पौडेलले सामान्य प्रशासनमन्त्री राजकुमार गुप्ताको अडियो प्रकरणमा सरकारको धारणा माग गरेका छन् ।
सोमबार प्रतिनिधिसभा बैठकमा पौडेलले सरकारका मन्त्रीहरू भ्रष्टाचार मुछिएको देखिएको भन्दै गुप्ताको अडियो प्रकरणमा सरकारले आफ्नो धारणा प्रस्तुत गर्नुपर्ने बताएका हुन् ।
उनले प्रधानमन्त्रीको शून्य सहनशीलता र भ्रष्टाचार नियन्त्रणको प्रतिबद्धता कहाँ छ भन्दै प्रश्न गरे । यसअघि गोकुल बास्कोटाको अडियो प्रकरण सार्वजनिक हुँदा पदबाट राजीनामा दिएको उनले स्मरण गराए ।
उनले तत्काल जनताले जानकारी पाउने गरी यस विषयमा प्रधानमन्त्रीले सदनमा जानकारी गराउनुपर्ने धारणा राखे ।
प्रतिक्रिया