काठमाडौं– संघीय संसद्को राज्य व्यवस्था तथा सुशासन समितिका सभापति रामहरि खतिवडाले सरकारलाई राजनीतिक नेतृत्वभन्दा जनतालाई माथि राख्न सुझाव दिएका छन् । 

सरकारले पूर्वविशिष्टलाई आजीवन सुविधा दिने विधेयक ल्याउने तयारी गरेको भन्दै उनले सरकारलाई राजनीतिक नेतृत्वभन्दा जनतालाई माथि राख्न सुझाव दिएका हुन् । 

नेपाली कांग्रेसका सांसद खतिवडाले सामाजिक सञ्जाल एक्समा लेखेका छन्, ‘राजनीतिक नेतृत्वभन्दा जनतालाई माथि राख । ‘पूर्वविशिष्टलाई आजीवन सुविधा’ आवश्यक छैन ।’ 

खतिवडाले सरकारले बेमौसमी बाजा बजाउन नहुने पनि उल्लेख गरेका छन् । ‘पूर्वविशिष्टलाई आजीवन सुविधा रु यो बेमौसमी बाजा बजाई राम्रो हुन्न,’ उनले लेखेका छन्, ‘सरकार  राम्रो काम गर । यस्ता कार्य बन्द गर ।’