काठमाडौं– नेपाल धितोपत्र बोर्डले पियोर इनर्जी लिमिटेडलाई सर्वसाधारणको लागि साधारण शेयर (आईपीओ) निष्कासनको अनुमति दिएको छ । बोर्डले आज (फागुन २ गते) कम्पनीलाई आईपीओ निष्कासनको अनुमति दिएको हो । 

इनर्जीले १६ करोड रुपैयाँ बराबरको १६ लाख कित्ता शेयर निष्कासन गर्ने भएको जानकारी दिएको छ । कम्पनीको कुल चुक्ता पुँजी ८० करोड रहेको छ । जसमा संस्थापकको ८० प्रतिशत स्वामित्व रहेको छ भने २० प्रतिशत शेयर सर्वसाधारणको लागि निष्कासन हुन छ । 

कम्पनीको  बिक्री प्रबन्धक नबिल इन्भेष्टमेन्ट रहेको छ ।

बाँकेमा १० मेगावाटको दुई वटा सोलार आयोजना संचालन गरिरहेको पियोर इनर्जी गोल्यान ग्रुप अन्तर्गतको सोलार कम्पनी हो । दुवै आयोजनाले २०८० सालदेखि नै व्यापारिक उत्पादन गरिरहेको छ । २० मेगावाट क्षमता सहित पियोर इनर्जी हालसम्म सबैभन्दा धेरै सौर्य ऊर्जा उत्पादन गरिरहेको कम्पनीको दाबी छ ।