काठमाडौं- नेकपा एमालेका अध्यक्ष केपी शर्मा ओलीले आफ्नो पार्टी चुनावबाट नभाग्ने स्पष्ट पारेका छन् । भक्तपुरको सल्लाघारीमा नेकपा एमालेको ११ औँ महाधिवेशनको उद्घाटन समारोहलाई सम्बोधन गर्दै अध्यक्ष ओलीले चुनावका लागि सरकारले वातावरण बनाउन नसकेको पनि आरोप लगाए ।

‘चुनावको मिति तोकिएको छ, के छ तयारी ? कतै भएको छ ? देखिँदैन त ।’ उनले कटाक्ष गरे, ‘चुनाव गर्ने भए सरकार के गर्थ्यो ? सबै दलको विश्वास जित्थ्यो, निर्णयमा पारदर्शीता देखाउँथ्यो, सभा जुलुस गर्न सुरक्षित वातावरण सिर्जना गर्थ्यो, दलका गतिविधिलाई चुनावमा उत्साहित हुन प्रेरित गर्थ्यो । लुटिएका हतियार फिर्ता ल्याउँथ्यो होला । जेलबाट भागेका कैदी बन्दीहरू फेरि जेलमा फर्काउँथ्यो होला ।’

उनले सरकारले अहिले संवाद नभइ निषेध, घृणा, मिडिया ट्रायल र विभिन्न प्रकारका हल्ला, प्रतिस्पर्धा नभइ धम्की, बहस नभइ मुद्दा, नेताको राहधानी रद्द र स्थानहद, निषेधाज्ञा गरिरहेको आरोप लगाए ।

‘यही हो चुनावको वातावरण बनाएको ?’ उनले प्रश्न गरे ।