काठमाडौं– नेकपा एमालेको ११औँ महाधिवेशनमा राष्ट्रिय प्रजातन्त्र पार्टीका अध्यक्ष राजेन्द्र लिङ्देन उपस्थित भएका छन् ।
अध्यक्ष केपी शर्मा ओलीको गृह जिल्ला झापाका लिङ्देन एमालेको महाधिवेशनको उद्घाटन सत्रमा शुभकामना दिन पुगेका हुन् ।
यता नेपाली कांग्रेसले भने कार्यवाहक सभापति पूर्णबहादुर खड्कालाई पठाएको छन् । नेकपाले भने देव गुरुङलाई पठाएको छ ।
नागरिक उन्मुक्ति पार्टीबाट रञ्जिता श्रेष्ठ उपस्थित भएकी छन् ।
एमालेको महाधिवेशनमा शीर्ष नेताहरू उपस्थित नहुँदा लिङदेन उपस्थित हुनलाई अर्थपूर्ण रूपले हेरिएको छ।
अध्यक्ष लिङ्देनले झापा क्षेत्र नम्बर ३ बाट २०७९ को निर्वाचनमा एमालेको सहयोगमा प्रतिनिधि सभा सदस्यमा निर्वाचित भएका थिए ।
माधव नेपाल र पुष्पकमल दाहाल प्रचण्ड मिलेर बनेको नेकपाबाट शीर्ष नेताहरू एमालेको महाधिवेशनमा नपुग्दा अर्थपूर्ण रूपमा हेरिएको छ ।
यता राष्ट्रिय स्वतन्त्र पार्टीबाट महामन्त्री जाने भनिए पनि अहिलेसम्म पुगेका छैनन् । उनी सुर्खेतबाट लगत्तै प्लेन चढेर एमालेको महाधिवेशनमा आउने कार्यक्रम थियो तर अहिलेसम्म महाधिवेशन स्थलसम्म पुगेको देखिँदैन ।
नेकपाबाट नेत्रविक्रमचन्द विप्लव पनि कार्यक्रम स्थलमा पुगेको देखिन्छ ।
प्रतिक्रिया