काठमाडौं– नेकपा एमालेको एघारौँ महाधिवेशनको उद्‌घाटन सत्रमा कांग्रेसबाट पूर्णबहादुर खड्का शुभकामनाका दिन जाने भएका छन्।

खड्काको सचिवालय सदस्य गौतम ऋषिका अनुसार सभापति शेरबहादुर देउवाले खड्कालाई एमालेको महाधिवेशनमा जान आग्रह गरेपछि खड्का जान लागेका हुन् ।

नेकपा एमालेको एघारौँ महाधिवेशन आजबाट सुरु भएको छ नयाँ नेतृत्व चयन हुने महाधिवेशनमा अध्यक्ष केपी शर्मा ओली र वरिष्ठ उपाध्यक्ष ईश्वर पोखरेल बीच प्रतिस्पर्धा हुनेछ। 

महाधिवेशनमा पुराना सम्पूर्ण दलहरूलाई निम्तो गरिए पनि नयाँ दलहरूलाई भने बोलाइएको छैन। 

शुभकामना दिनका लागि दलहरूलाई निम्ता गरिएकोमा कति मिनेट बोल्ने समय दिइन्छ भन्ने विषयमा अहिलेसम्म जानकारी गराइएको छैन।