काठमाडौं– १९ वर्षमुनिको पुरुष एसीसी एसिया कप क्रिकेटमा आज नेपाल र श्रीलंकाबीच प्रतिस्पर्धा हुँदैछ ।
खेल संयुक्त अरब इमिरेट्स (युएई) को दुबईस्थित द सेभेन्स रंगशालामा नेपाली समयअनुसार बिहान पौने ११ बजे सुरु हुनेछ ।
नेपाल पहिलो खेलमा सुखद सुरुवात गर्ने लक्ष्यका साथ मैदानमा उत्रँदैछ ।
८ टोली सहभागी प्रतियोगितामा समूह ‘बी’ बाट नेपाल र श्रीलंकासँगै बंगलादेश र अफगानिस्तान तथा समूह ‘ए’ मा भारत, पाकिस्तान, युएई र मलेसिया रहेका छन् ।
नेपालले दोस्रो खेलमा आगामी सोमबार (मंसिर २९ गते) बंगलादेश र तेस्रो खेलमा पुस २ गते अफगानिस्तानसँग खेल्नेछ ।
शुक्रबार सुरु भएको प्रतियोगिता फाइनल खेल पुस ६ गते हुनेछ ।
प्रतिक्रिया