काठमाडौं– भुटानमा आएको प्राकृतिक विपदको उद्धार तथा राहतमा भारतले सहयोग गरेको छ । भुटानको आमोछु नदीमा अचानक बाढी पहिरो आएपछि भारतले सहयोगको हात बढाएको हो ।

अचानक आएको बाढीले गर्दा स्थानीय बासिन्दा र कामदारहरु फसेका थिए । यस्तो अवस्थामा भुटानी अधिकारीहरुसँग समन्वय गरी भारतीय सेनाले उद्धार अभियान सञ्चालन गरेको हो ।

खराब मौसमका कारण पारो शहरमा रहेको ड्रुक एअरको हेलिकोप्टरले उडान भर्न नसक्दा भुटानले भारतको सहयोग मागेको हो । भुटानको सहयोग स्वीकार गर्दै भारतले तत्काल सहायता प्रदान गरेको हो ।

भारतले भुटानको विपदमा उद्धार गर्नका लागि तत्काल दुई हेलिकोप्टर परिचालन गरेको थियो । भारतीय हेलिकोप्टरले बाढीमा फसेकाहरुलाई सुरक्षित स्थानमा लगेको थियो ।