काठमाडौं- लगातारको वर्षासँगै गएको बाढीपहिरोले इलाम जिल्लाभित्र हालसम्म ७ सय १८ जना प्रभावित भएका छन । ७ सय ५३ घरमा क्षति पुगेको जिल्ला प्रशासन कार्यालयले जनाएको छ ।

‘जिल्लाभित्र ३९ जनाको मृत्यु भएको छ भने एक जना अझै बेपत्ता छन, १३ जना घाइते उपचाररत छन, २ सय ९० घरमा पहिरो र बाढीले गर्दा पूर्ण क्षति पुगेको छ, कार्यालयका सहायक प्रमुख जिल्ला अधिकारी भोलानाथ गुरागाईँले भने ।

यस्तै विस्थापित भएका ३ सय ८९ जनाले आफन्तको आश्रयमा बसेका छन भने ११ जनालाई सामुदायिक भवनका राखिएको छ ।

‘विवरण संकलनको काम हिजोबाट भइरहेको छ, यो सङ्ख्या अझै बढ्नेछ,’ उनले थपे ।

राहत वितरणमा सरकारी निकाय, निजी क्षेत्र र स्थानीयको सहकार्य भइरहेको उनले जानकारी दिएका छन् ।