काठमाडौं– नेपाल विद्यार्थी संघका सभापति दुजाङ शेर्पाले गत भदौ २३ र २४ गतेको भएको ७६ जनाको हताहती र विध्वंशमा तत्कालीन प्रधानमन्त्री र गृहमन्त्रीसँगै काठमाडौं महानगरपालिकाका मेयर बालेन्द्र साहलाई पनि छानबिनमा तान्नुपर्ने बताएका छन् ।

सोमबार काठमाडौंमा पत्रकार सम्मेलन गर्दै उनले जने-जी आन्दोलनका क्रममा भएका घटनामा पूर्व प्रधानमन्त्री केपी शर्मा ओली र गृहमन्त्री रमेश लेखक छानबिनको क्रममा दोषी देखिए कारबाही हुनुपर्ने बताए ।

उनले त्यस क्रममा भएको विध्वंशमा काठमाडौं महानगरपालिकाका प्रमुख बालेन्द्र साहमाथि पनि छानबिन गरी दोषी देखिएमा कारबाही गर्नुपर्ने उल्लेख गरेका छन् ।

उनले आन्दोलनका क्रममा सुनियोजित रूपमा कांग्रेस सभापति शेर बहादुर देउवा र आरजु राणामाथि आक्रमण भएको भन्दै त्यसमा संलग्नलाई कारबाही गर्न माग गरे । 

उनले जेन-जी आन्दोलनले उठाएको भ्रष्टाचार र बेथितिविरुद्धको आवाजलाई संस्थागत अभियानका रूपमा अघि बढाइने पनि बताएका छन् ।