काठमाडौं- कञ्चनपुरका नेपाली विद्यार्थी विपिन जोशीबारे अनेक शंका आशंका उब्जिरहेका बेला उनका दाजु किशोर जोशीले सोमबार बिहान इजारयली अधिकारीहरूसँग कुरा भएको बताएका छन् ।

सोमबार मध्याह्न कान्तिपुर दैनिकसँगको कुराकानीका क्रममा उनले बिहान मात्रै इजारयली अधिकारीहरूसँग कुराकानी भएको खुलाएका छन् ।

‘बिहान इजरायली अधिकारीहरूसँग पनि कुरा भएको छ । हमासले छुटाउने २० जनाको नाम औपचारिक घोषणा गरेको छ’, उनले भने, ‘ती २० जनामा विपिनको नाम छैन भनेका छन् । अझै पनि हामीलाई भाइ फर्किएर आउँछ भन्ने आशा छ । निराश हुनुपर्ने ठाउँ छैन ।’

उनले सामाजिक सञ्जालका विवरण र अनेक आशंकायुक्त समाचारले पीडा दिएको बताए । ‘विगतमा पनि हामीले पीडा खेपेका हौँ । अझै निराश हुनुपर्ने अवस्था छैन’, उनले भने, ‘भाइ फर्किन्छ भन्ने विश्वासमा छौँ । हामी आशावादी भएर बसेका छौँ ।’