काठमाडौं – भारत र इङ्गल्यान्ड बीचको तेस्रो टेस्टको पहिलो पारीमा भारत र इङ्गल्यान्डले बराबर रन जोडेका छन्। इङ्गल्यान्डले ३८७ रन बनाएपछि ब्याटिङ गरेको भारतले पनि ३८७ रन नै बनाएको छ।
शनिबार तेस्रो दिनको खेल सकिँदा इङ्गल्यान्डले दोस्रो पारीमा विना कुनै विकेटको क्षति २ रन जोडेको छ।
भारतले शनिबार बिहान सानदार सुरुवात गरेको थियो। लोकेश राहुल र ऋषभ पन्तले चौथो विकेटका लागि १४१ रनको साझेदारी गरे। जोखिमपूर्ण रन लिने प्रयासमा पन्त रन आउट भएपछि भारत ३८७ रनमा समेटिएको हो।
भारतका लागि राहुलले १०० रन जोडे भने पन्तले ७४ रन जोडे । रवीन्द्र जडेजाले ५२ रनको योगदान गरे। इङ्गल्यान्डका क्रिस ओक्सले सर्वाधिक तीन विकेट लिए।
प्रतिक्रिया