जुम्ला– कर्णाली राजमार्ग सडकखण्डअन्तर्गत जुम्लाको तातोपानी–१ स्थित बाइराँकामा सुक्खा पहिरो खस्दा राजमार्ग अहिले अवरुद्ध भएको छ ।
जुम्ला सदरमुकाम खलङ्गा बजारबाट छुट्ने कालिकोटको नाग्मा हुँदै सुर्खेत नेपालगञ्ज र मुगुको गमगडी जाने सवारीसाधन ठप्प भएका छन् ।
ठूला ढुङ्गा र माटोसहितको पहिरोले सडक बन्द हुँदा दुवैतर्फका सवारीसाधन रोकिएको सडक डिभिजन जुम्लाका प्रमुख दीपेन्द्र चौधरीले जानकारी दिए ।
अहिले राजमार्गमा खसेको पहिरो पन्छाउने काम भइरहेको छ आवश्यक जनशक्ति र मेसिनरी साधन घटनास्थलमा पुगिसकेका छन् । अबको दुई घण्टाभित्र सडक सञ्चालन हुने कार्यालय प्रमुख चौधरीको भनाइ छ ।
प्रतिक्रिया