काठमाडौं- गृहमन्त्री रमेश लेखकले आफ्नो राजीनामा माग्ने राष्ट्रिय स्वतन्त्र पार्टीका सांसदहरूलाई होच्याउने गरी बोलेका छन् ।

शुक्रबार भिजिट भिसा प्रकरणमा जोडिएकोबारेमा संसद्मा जवाफ दिँदै उनले बेल घेराउ गर्दै नाराबाजीमा उत्रिएका रास्वपाका सांसदहरूलाई साना नानाीबाबु भनेका हुन् ।

उनले रास्वपाका सांसदहरू साना नानीबाबु हुँदा आफूले श्रममन्त्री बनेर वैदेशिक रोजगारीको क्षेत्रमा व्यापक सुधार गरेको जिकिर गरे ।

‘केही माननीय सदस्यहरू यसै सदनको सदस्य हुनुहुन्छ । केही मैले देखेका साथीहरू सा-सानो बस्ता (किताबका झोला) काँधमा बोकेर कुनै स्कुलको सा-सानो कक्षामा पढिराख्नु भको थियो, त्यो पनि सम्झना गर्नुस्’, उनले भने, ‘यो देशमा वैदेशिक रोजागर मैले सुधार गरेको हुँ । कयौँ देशसँग मैले श्रम सम्झौता गरेको थिएँ ।’