काठमाडौं– प्रमुख प्रतिपक्षी नेकपा माओवादी केन्द्रले भिजिट भिसा प्रकरणको अध्ययनका लागि समिति बनाउन माग गरेको छ । 

प्रतिनिधिसभाको शुक्रबारको बैठकमा सभामुखले प्रदान गरेको समयमा बोल्दै माओवादी केन्द्रका प्रमुख सचेतक हितराज पाण्डेले अध्ययन समिति गठनको माग गरेका हुन् । 

‘अहिलेको विषय अध्यागमनसँग मात्रै सम्बन्धित होइन, भिजिट भिसामा देखिएका, देखिन सक्ने समग्र समस्याहरूको निराकरण हामीले गर्नुपर्ने छ । त्यसका लागि नीतिगत, कानुनी, संरचनागत लगायत कहाँ–कहाँ, कसरी–कसरी सुधार गर्न सकिन्छ तिनको गहिरो अध्ययन र छानबिन गरी बदमासी गर्नेलाई उचित कारबाही र अब आइन्दाको लागि सुझाव दिने गरी अध्ययनको लागि छानबिन समिति–अध्ययन समिति बनाउन हामी जोडदार माग गर्दैछौँ,’ उनले भने ।    

पाण्डे बोलिरहँदा प्रतिपक्षी राष्ट्रिय स्वतन्त्र पार्टी (रास्वपा) र राष्ट्रिय प्रजातन्त्र पार्टी (राप्रपा)का सांसदहरू उभिएर टेबल ठोकिरहेका थिए ।