काठमाडौं– इरानमा गरेको सैन्य कारवाही अस्वभाविक रुपमा धेरै जटिल र नियोजित रहेको इजरायली अधिकारीहरुले दाबी गरेका छन् । समाचार संस्था एपीका अनुसार आक्रमणअघि इजरायलका लागि काम गर्ने जसुसहरुले ड्रोन र हतियार तस्करी गरेर इरान पुर्‍याएका थिए ।

सुरक्षा अधिकारीलाई उद्धृत गर्दै एपीले जनाएअनुसार इजरायलको मोसाद गुप्तचर संस्थाले ती हतियार र ड्रोन तस्करी गरेर इरान लगेको थियो । एपीले यस कारवाहीबारे इजरायलका दुई सुरक्षा अधिकारीले जानकारी दिएको उल्लेख गरेको छ ।

अधिकारीका अनुसार विष्फोटक ड्रोन प्रहार गर्ने स्थान गोप्य रुपमा इरानी भूमिमै तयार पारिएको थियो । ती ड्रोनहरु प्रयोग गरी शुक्रबार बिहान तेहरान नजिकै रहेको सैन्य केन्द्रमा आक्रमण गरिएको दाबी गरिएको छ ।

इजरायलका लागि काम गर्ने जासुुहरुले लक्षित निशानामा सटिक मार हन्ने हतियार पनि इरानको मध्य भागसम्म पु¥याएको दाबी गरेका छन् । ती सटिक मार हान्ने हतियार जमिनबाट आकाशमा मार हान्ने क्षेप्यास्त्र प्रणाली नजिकै राखिएको ती अधिकारीहरुले जनाएका छन् ।

इजरायलले कतिपय हतियार इरानी भूमिमै रहेका सवारी साधनबाट प्रहार गरेको पनि दाबी गरिएको छ । यसबारे कुनै आधिकारिक विवरण सार्वजनिक भएको छैन । यस्तो दाबीको स्वतन्त्र पुष्टि गर्नु असम्भव रहेको एपीले उल्लेख गरेको छ ।