काठमाडौं– सत्ता साझेदार नेपाली कांग्रेसले भारतको अहमदावादमा भएको विमान दुर्घटनाप्रति दुःख व्यक्त गरेको छ । कांग्रेसले शुक्रबार विज्ञप्तिमार्फत् २४१ जनाको मृत्यु हुने गरी भएको विमान दुर्घटनाप्रति दुःख व्यक्त गरेको हो । 

अहमदावादबाट लन्डनका लागि उडेको एयर इन्डियाको विमान बिहीबार दुर्घटनाग्रस्त हुँदा चालक दलका सदस्यसहित २४१ यात्रुको मृत्यु भएको थियो । 

‘घटनाले सम्बन्धित देश र एयरलाइन्सलाई मात्र होइन विश्वलाई नै स्तब्ध र मर्माहत बनाएको छ,’ कांग्रेसले भनेको छ, ‘उक्त घटनाप्रति नेपाली कांग्रेसका सभापति शेरबहादुर देउवाले गहिरो दुःख व्यक्त गर्नु भएको छ ।’ 

विज्ञप्तिमार्फत देउवाले विमान दुर्घटनाबाट भारत, बेलायत, क्यानडा र पोर्चुगल सरकारले ब्यहोर्नु परेको मानवीय क्षतिप्रति सहानुभूति प्रकट गरेका छन् ।