तेहरान – इरानका सर्वोच्च नेता अयातोल्लाह खामेनेई इजरायलको आक्रमणमा जोगिएका छन्। उनी सुरक्षित र जीवित रहेको समाचार रोयटर्सले प्रकाशित गरेको छ।

उनलाई सुरक्षा एजेन्सीले इजरायली आक्रमणपछिको स्थितिबारे जानकारी गराएका छन्। एक सुरक्षा स्रोतले रोयटर्सलाई बताएअनुसार खामेनाईले अवस्थाबारे जानकारी लिइरहेका छन्।

तेहरान वरपर इजरायलले कम्तीमा ६ वटा सैन्य अड्डामा आक्रमण गरेको समाचार छ।

न्यूयोर्क टाइम्सको समाचारअनुसार इजरायली सेनाले तेहरान वरपर रहेका कम्तीमा ६ वटा सैन्य अड्डामा आक्रमण गरेको हो।

पारचिन सैन्य कम्प्लेक्स मुख्य लक्ष्य थियो। दुई उच्चसुरक्षित परिसरमा रहेका सैनिक कमान्डरहरूको आवास र धेरैवटा आवासीय भवनहरूमा आक्रमण भएको छ।

यसैबीच अमेरिकी राष्ट्रपति डोनाल्ड ट्रम्पले शुक्रबार बिहान राष्ट्रिय सुरक्षा परिषद्को बैठक डाकेका छन्।

ह्वाइट हाउसका अनुसार राष्ट्रपति डोनाल्ड ट्रम्पले शुक्रबार बिहान ११ बजे (स्थानीय समयअनुसार) वाशिङ्टन, डीसीमा राष्ट्रिय सुरक्षा परिषद्को बैठक बोलाएका छन्। बैठकमा इजरायलद्वारा इरानमा गरिएको आक्रमणबारे छलफल गरिनेछ।