काठमाडौं– नेपाल विद्युत प्राधिकरणले डेडिकेटेड फिडर र ट्रंकलाइनको बक्यौता रहेका ग्राहकलाई आउँदो जेठ मसान्तसम्म पुनरावलोकन गर्न भन्दै सूचना प्रकाशन गरेको छ ।

 आज सार्वजनिक सूचना जारी गर्दै प्राधिकरणले डेडिकेटेड फिडर तथा ट्रंकलाईनबाट २०७२ माघदेखि २०७५ वैशाखसम्म विद्युत उपभोग गरी विद्युत महसुल बक्यौता ग्राहकले सो समयभित्र पाँच प्रतिशत नगद वा बैंक ग्यारेन्टी राखेर पुनरावलोकन गर्न भनेको हो ।

‘विद्युत महसुल बक्यौता रहेका ग्राहकहरूले २०८२ जेष्ठ मसान्तभित्र ने.वि.प्रा विद्युत वितरण नियमावली, २०७८ को विनियम ५५ को उपविनियम ९२० बमोजिम बिल रकमको ५ प्रतिशत बराबरको रकम नगद वा सो बराबरको एक वर्षको म्याद रहने गरी जारी भएको ‘क’ वर्गको बैंक ग्यारेन्टी धरौटी बापत जम्मा गरी’ प्रशासकीय पुनरावलोकनका लागि निवेदन दिनसक्ने जनाएको छ ।

सो म्याद सञ्चालक समितिको वैशाख २१ गते को बैठकले निर्णय गरेको सूचनामा उल्लेख छ ।