काठमाडौं – स्पेनिस ला लिगामा अग्रता कायम गरिहेको बार्सिलोनाले आफ्नो अपराजित यात्रालाई २४ खेलमा लम्ब्याएको छ। यसका बाबजुद आफ्नो वास्तविक लयमा नफर्केको बार्सिलोनाले शनिबार राति लेगानेसलाई १-० ले हरायो। लेगानेसले पहिलो हाफमा नै केही राम्रो प्रयास गरेको थियो।

खेलमा आल्ड्रिया अल्टेमेरियाको राम्रो प्रहारलाई बार्सिलोनाका गोलरक्षक वेजेस्नीले बचाए।

डानी राबा पनि दुई पटक नजिक पुगेका थिए। जर्ज सान्जले ४८ औँ मिनेटमा आत्मघाती गोल गरे। यस जितले बार्सिलोनाको अग्रता ७ अङ्कमा पुगेको छ। दोस्रो स्थानमा रहेको रियल म्याड्रिडले आइतबार सङ्घर्ष गरिरहेको अल्भासको सामना गर्नेछ।

शनिबार भएका अन्य खेलमा मार्लोकाले रियल सोसिडाडलाई २-० तथा लास पल्मासले गेटाफेलाई ३-१ ले हराए। इस्पानियोलले सेल्टा भिगोसँगको खेलमा २-० को सफलता पायो।

बार्सिलोनाको ३१ खेलमा ७० तथा रियल म्याड्रिडको ३० खेलमा ६३ अङ्क छ। एट्लेटिको म्याड्रिडको ६० तथा एथलेटिको क्लबको ५३ अङ्क छ।