काठमाडौं– देशका पहाडी जिल्ला र उपत्यकामा बिहीबार धुमधामसँग होली पर्व मनाइँदैछ । काठमाडौं उपत्यकामा पनि चोकचोकमा होलीको उल्लास छ ।
काठमाडौं दरबार मार्गमा पनि होली पर्व विशेष कार्यक्रमसहित मनाइँदैछ । अपरान्ह केहीबेर पानी परे पनि मानिसहरू होली मनाउन रोकिएका छैनन् । युवा पुस्ता पानीमै रुझेर होलीको रंगमा रंगिएका छन् ।
फागुन शुक्ल पूर्णिमाका दिन मनाइने फागु अर्थात् होली पर्व हिमाली, पहाडी र उपत्यकामा जिल्लामा हर्षोल्लाससाथ मनाइँदै छ ।
वसन्त ऋतुको आगमनसँगै आपसी मेलमिलाप र सद्भावनाको सन्देश लिएर आउने फागु पर्वका दिन विभिन्न रङ र लोलासहित हानेर मनाउने परम्परा छ ।
हेर्नुहोस् तस्बिरहरु :
प्रतिक्रिया