काठमाडौं – अन्तिम समयमा पाएको विवादास्पद पेनाल्टीको अवसरलाई गुस्ताभ नेल्सनले गोलमा परिणत गरेपछि युरोपेली च्याम्पियन्स लिगको प्लेअफमा एटलान्टा पराजित भएको छ। बुधबार भएको प्ले अफमा ब्रुगले एटलान्टालाई २-१ ले हराएको हो।

खेलको १५ औँ मिनेटमा ब्रुगले पहिले अग्रता लिएको थियो। उसका लागि टिनएजर केम्सटाइन टाबीको त्रसलाई उपयोग गर्दै फेरान गुटग्लाले पहिलो गोल गरेका हुन्।

क्रोएसियाली अन्तर्राष्ट्रिय खेलाडी मारियो पासालिकले ४१ औँ मिनेटमा गोल गर्दै एटलान्टालाई खेलमा फर्काए। इन्जुरी समयको चौथो मिनेटमा यसाक हेनले नेल्सनलाई फल प्रहार गरेपछि ब्रुगले पेनाल्टी पाएको थियो। नेल्सनले सो अवसरलाई सहजै उपयोग गर्दै जित आफ्नो पक्षमा पारेका हुन्।

मंगलबार यी दुई टोलीको दोस्रो लेग प्ले अफ हुनेछ।