काठमाडौं – एभर्टन र लिभरपुलको इङ्लिस प्रिमियर सिपको खेल २-२ गोलको बराबरीमा टुंगिएको छ। खेलको अवधिभर रोमाञ्चक बनेको प्रतिस्पर्धा अतिरिक्त इन्जुरी समयमा विवादास्पद बनेको थियो। लिभरपुलले ९० मिनेटपछि थप समयमा बराबरी गोल गरेपछि मैदानमा खेलाडीबीच हात हालाहालको अवस्था बनेको हो। जसले गर्दा अन्तिम समय खेलमा तनाव भएको हो।

खेलको ९२ औँ मिनेटमा दुई टोलीका खेलाडीको बिचमा झगडा भएपछि एभर्टनका एब्दुलारे डाकाउरे तथा लिभरपुलका कर्टिस जोन्सले रातो कार्ड पाए।

तनावपूर्ण सो खेलमा एभर्टनलाई १ अङ्क दिलाउने क्रममा ९० मिनेटपछि थप भएको इन्जुरी समयको आठौँ मिनेटमा जेम्स टारकोस्कीले बराबरी गोल गरे।

रोमाञ्चक सो खेलको ११ औँ मिनेटमा एभर्टनले बेटोको गोलमा अग्रता लिएको थियो। त्यसको ५ मिनेटपछि नै मोहम्मद सलाहको क्रसमा हेड गोल गर्दै एलेक्सिस म्याक एलिस्टरले लिभरपुललाई खेलमा फर्काएका थिए। खेलको ७३ औँ मिनेटमा सलाहको गोलमा लिभरपुलले अग्रता लिएको थियो। तर अन्तिम समयको गोलसँगै एभर्टन खेलमा फर्किएको हो।

तालिकामा लिभरपुल ५७ अङ्कसहित शीर्ष स्थानमा छ। दोस्रो स्थानमा रहेको आर्सनलको ५० अङ्क छ। एभर्टन भने २७ अङ्कसहित १५ औँ स्थानमा छ।