काठमाडौं- तराई-मधेसकेन्द्रित दलहरूले मोर्चा गठन तयारीलाई तीव्र बनाएका छन् ।

संघीय संसद्‍मा प्रतिनिधित्व गर्ने र बाहिर रहेका तराई-मधेसकेन्द्रित दलहरूले मोर्चा गठन गर्ने तयारीसहित कार्यदल बैठक राख्न लागेका हुन् ।

यी दलको कार्यदलको पहिलो बैठक मंगलबार बिहान १० बजे समर्पण एकडेमी, धुम्बाराहीमा बस्ने भएको छ ।

बैठकमा अशोक राई नेतृत्वको जनता समाजवादी पार्टीबाट रेणु यादव र मोहम्मद इस्तियाक राई सहभागी हुने छन् । उपेन्द्र यादव नेतृत्वको जनता समाजवादी पार्टी, नेपालबाट राजकिशोर यादव सहभागी हुनेछन् ।

महन्थ ठाकुर नेतृत्वको लोकतान्त्रिक समाजवादी पार्टीबाट जितेन्द्र सोनल र सुरेन्द्र झा सहभागी रहने छन । डा. सीके राउत नेतृत्वको जनमत पार्टीबाट अब्दुल खान र शरद यादव सहभागी हुने भएका छन् ।

त्यसैगरी, संसद बाहिरका दलहरूमध्ये जन प्रगतिशील पार्टीबाट शिवजी यादव तथा राजेन्द्र महतो नेतृत्वको राष्ट्रिय मुक्ति पार्टीबाट केशव झा भाग लिने भउका छन् । तराई-मधेस लोकतान्त्रिक पार्टीबाट वृषेश चन्द लाल उपस्थित हुनेछन् ।