जेनेभा- युरोपका स्विट्जरल्याण्ड र लिक्स्टेन्टाइनमा रहेका तिब्बती समुदायले प्रदर्शन गरेका छन् । तिब्बती समुदायको मानव अधिकार रक्षाका लागि उनीहरुले स्विट्जरल्याण्डको जेनेभामा प्रदर्शनको आयोजना गरेका हुन् ।

जेनेभामा रहेको संयुक्त राष्ट्रसंघ कार्यालयअघि उनीहरुले शान्तिपूर्ण प्रदर्शनको आयोजना गरेको तिब्बतस्विस अनलाइनले जानकारी दिएको छ । प्रदर्शनकारीले तिब्बतमा सत्य निरुपण मिसन सञ्चालन गर्नुपर्ने र दलाई लामालाई शान्तिपूर्ण रुपमा तिब्बत फर्काउने पहल गनुपर्ने माग राखेका छन् ।

प्रदर्शनलाई स्विट्जरल्याण्ड र लिक्स्टेन्टाइनमा रहेका तिब्बती समुदायको संगठनका अभ्यक्ष तेन्जिन न्यिङ्बुले सम्बोधन गरेका थिए । कार्यक्रममा दलाई लामाका प्रतिनिधि ङ्गोदुप ला, युरोपेली तिब्बती संघका प्रतिनिधि, तिब्बत युवा संघ, युरोपका प्रतिनिधि तथा तिब्बती अधिकारका लागि अभियान सञ्चालन गर्दै आएका अधिकारवादीहरुको सहभागिता रहेको थियो ।