काठमाडौं- सरकारले ६ जना प्रमुख जिल्ला अधिकारीसहित ५८ जना सहसचिव र उपसचिवस्तरका कर्मचारीको सरुवा गरेको छ। 

गृह मन्त्रालयले बुधवार राजपत्रांकित प्रथम तथा द्वितीय श्रेणी, सहसचिव र उपसचिवस्तरका ५८ कर्मचारीहरूको सरुवा गरेको हो। जसमा ६ जना प्रमुख जिल्ला अधिकारी पनि छन् ।

सरूवा हुनेमा दैलेखका प्रमुख जिल्ला अधिकारी बद्रीनाथ गैह्रे छन् । उनी दैलखबाट सरुवा भएर गुल्मीको प्रजिअ भएका छन्।

उता रोल्पाका प्रमुख जिल्ला अधिकारी बासुदेव दाहाललाई पाँचथरको प्रजिअ बनाइएको छ । गुल्मीका प्रजिअ आनन्दा सारू दैलेख पुगेका छन् ।

त्यस्तै जुम्लाका प्रजिअ खिमबहादुर रायमाझीलाई गृहमन्त्रालयमा ल्याइएको छ । डोटीका प्रमुख जिल्ला अधिकारी मोहनराज जोशीलाई मकवानपुरको सहायक प्रमुख जिल्ला अधिकारीका रुपमा सरूवा गरिएको छ।