काठमाडौं- ‘द काउन्सिल अफ जेन-जी’का संयोजक सुदन गुरुङले तीनवटा समूहमा विभाजित जेन-जीहरूलाई छलफलमा बोलाएका छन्।

जेन-जी मुभमेन्ट अलायन्स र जेन-जी फ्रन्टका नेताहरूलाई गुरुङले बैठकका लागि बोलाएका हुन्। यस्तै गुरुङको समूह ‘द काउन्सिल अफ जेन-जी’पनि बैठकमा सहभागी हुनेछ

बुधबार हुने बैठकमा फागुनको निर्वाचन नजिकिँदै गर्दा कसरी अगाडि बढ्ने रणनिति बनाइने भएको छ। दल दर्ताका लागि जेन-जीहरू अलग अलग जाने या एकै ठाउँ उभिने विषयमा कुरा हुने भएको छ । सुदन गुरुङले नयाँ दल दर्ता गराउन लागेको अवस्थामा उनले अन्य जेन-जीहरूलाई पनि त्यसमै समाहित हुन प्रस्ताव गर्न सक्नेछन् ।

मङ्गलबार बेलुका यी तीन समूहबीच विभिन्न विषयमा छलफल भएको थियो। त्यसैको निरन्तरतास्वरूप गुरुङले यी तीन समूहबीच छलफल गराउन लागेका हुन् ।

गुरुङले काठमाडौंको वसन्तपुरमा बैठक बस्ने गरी उनीहरूलाई बोलाएका छन्। बैठक साँझ ६ बजेदेखि बस्ने जेन-जी नेताहरूले बताएका छन् ।