काठमाडौं – नेपाली कम्युनिस्ट पार्टी (नेकपा)ले बुधबार पूर्व उपप्रधान तथा गृहमन्त्री भीम रावललाई स्वागत गर्दैछ । रावल नेतृत्वको मातृभूमि जागरण अभियान, नेपालसहित रावललाई स्वागत गर्ने कार्यक्रम राखिएको नेकपा संयोजक प्रचण्डको निजी सचिवालयले जनाएको छ ।

रावललाई स्वागत गर्न ‘बृहत् पार्टी समायोजन कार्यक्रम’ आयोजना गर्न लागेको हो । कार्यक्रम दिउँसो २ बजे राष्ट्रिय सभागृह प्रदर्शनी मार्गमा सुरु हुनेछ ।

यो समायोजनले सुदूरपश्चिम तथा कर्णाली क्षेत्रमा मातृभूमि जागरण अभियानले बनाएका सञ्जाल र प्रभावलाई नयाँ दलमा समेटेर राजनीतिक शक्ति रूपान्तरण गर्ने रणनीति बताइएको छ।

कार्यक्रमलाई संयोजक प्रचण्ड, सहसंयोजक माधवकुमार नेपाल र भीम रावलले सम्बोधन गर्नेछन् ।