काठमाडौँ – नेपाली सेनाले देशका विभिन्न स्थानबाट जेन-जी प्रदर्शन क्रममा लुटिएका २६८ नाल हतियार बरामद गरेको जनाएको छ ।

पछिल्लोपटक काठमाडौँको डल्लुबाट ९ मिमि चाइनिज पेस्तोल एक थान बरामद भएको छ ।

सिन्धुलीको मरिन–४ स्थायी घर भएका एक व्यक्तिले उक्त पेस्तोल काठमाडौँस्थित डल्लु इलाकामा खटिएको नेपाली सेनाको गस्ती टोलीलाई बुझाएको सेनाले जानकारी दिएको छ ।

सोमबार सुरु भएको जेन-जी प्रदर्शनमा सरकारले चर्को दमन गरेपछि मङ्गलबार जताततै आक्रमण र लुटपाट भएको थियो । प्रदर्शनमा अराजकता मच्चाउन छिरेका विभिन्न समूहले प्रहरी चौकीमा समेत आक्रमण गर्दै हतियार लुटेको थियो ।

लुटिएका त्यस्ता सबै हतियार बुझाउन सेना र प्रहरीले सूचना जारी गरिसकेको छ । बरामद अधिकांश हतियार प्रदर्शनमा सहभागीहरूले नै सुरक्षाकर्मीहरूलाई बुझाएका हुन्‌ ।