काठमाडौँ– नेपाल प्रहरीले यही मंगलबार र बुधबार जेन-जीका नाममा भएको आन्दोलनका क्रममा संघीय राजधानी काठमाडौंसहित देशभर भएका आगजनी र लुटपाटमा संलग्नको तस्बिर-भिडियो तथा सामाजिक सञ्जालका लिङ्क पठाइदिन आग्रह गरेको छ।

प्रहरी प्रधान कार्यालयले शुक्रबार सूचना जारी गर्दै सर्वसाधारणलाई यस्तो आह्वान गरेको हो । ‘भिन्न अप्रिय घटना, आगजनी, लुटपाट, आम सर्वसाधारणमा त्रास फैल्याउने किसिमका अन्य विविध घटनासँग सम्बन्धित तस्बिर, भिडियो तथा विभिन्न सामाजिक सञ्जालका लिङ्क तपाइहरूसँग छन् भने कृपया हामीलाई पठाउनुहोला’, प्रहरी प्रधान कार्यालयले भनेको छ।

प्रहरीले त्यस्ता कुनै जानकारी भए प्रहरीको जिमेल ठेगाना nepalpoliceinfo@gmail.com पठाउन सकिने पनि सर्वसाधारणलाई भनेको छ। प्रहरीले यसरी विवरण उपलब्ध गराउने व्यक्तिहरूको गोपनीयता राखिने पनि विश्वास दिलाएको छ ।